E-G

Ei ruíña! Ei ruada!

Vinde mozas a foliada. Ms.1

a)Enamoreime en tí meniña

porque che oín cantar ben,

agora morro de fame

o cantar non me mantén. CH

b)Namoreime en ti rapaza

porque che oín cantar ben,

agora morro de fame

que o cantar non me mantén. CH

En Leiro hai boas mozas,

en Asados a flor delas,

no Araño arañentas

e en Taragoña bubelas. RV

En Padrón hai boas nenas

e por Santiago, a flor delas,

na Coruña, as coruñesas,

en Betanzos, as garelas. CPG

En Rianxo hai unha lancha

que lle chaman a Manuela,

en toda a ría de Arousa

non hai lancha como ela. CH

Elas de Laíño son.
Collen o xunco na braña,
vano vender a Padrón. Ms.3

Eres* alto coma un pino,

delgado coma un chantón,

quen che a de querer a ti,

home de pouca razón. Ms.1

Escoitando cal ruxía

a auguiña de certa fonte

deixei nela moitas bágoas

pensando na triste sorte. FE

Escribíache unha carta

se ti a souberas ler,

se lla das a ler a outro

alá vai o meu querer. Ms.1

Escribín e non firmei,

vaia unha carta sin fin

e un cariño sin lei. Ms.2

Ese cantariño novo

xa veu o ano pasado,

agora volve a vir,

chámanlle o arrenovado. Ms.1

Esta casa é de pedra

e por dentro é de papel,

o señor que vive nela

chámase Don Manoel. BOUZA BREY 1

—Este cantariño novo

que o trouxo a esta terra?

—Foi o zapateiro de Noia

na punta dunha zuvela.[1] Ms.1

Eu ben vin estar o moucho

na cima daquel penedo,

non me arregále-los ollos[2],

moucho, non che teño medo! BS

Eu caseime* no Araño

coa filla dun arañón,

ela bonita non era,

pobre si, honrada non. RV

Eu caseime* no Araño

coa filla dun arañón;

roupa tiña, é diñeiro,

pero bonitura, non. C 1

Eu caseime* no Araño

pensando que había pan,

o forno da miña sogra

cría silvas no verán. RV

Eu caseime* por un ano

por saber que vida era,

o ano vai acabado

solteira quen che me dera. Ms.2

Eu casar miña meniña,
eu casar me casaría,
se a vida de casados
fora coma o primeiro día. Ms.3

Eu fun o mar por naranxas

cousa que o mar non ten,

todo veño molladiño

de ondas que van e ven.Ms.3

Eu non quero nada dela,

da raíz da espadana;

eu non quero nada dela,

nin da raíz nin da rama. BS

Eu querer, miña miniña,
eu querer, queroche ben,
solo* me falta saber
se ti me queres tamén. Ms.3

Eu son de Rianxo,

de Rianxo son,

pesco desde a Arousa

ata o río de Padrón. CH

---

[1] Hipercorreção por suvela.

[2]Arregále-los [Arregales os]: Arregalar: Vr. tr. Abrir muito os olhos. www.estraviz.org